ERP სისტემები შეიძლება დაიყოს სამ ძირითად კლასად. სანამ ზედმეტად ჩაუღრმავდებით რომელიმე კონკრეტული ERP სისტემის კვლევას, სასარგებლო იქნება იმის გააზრება თუ რომელი ERP კატეგორია მოერგება თქვენს ორგანიზაციას.

• პირველი კლასის ERP არის უაღრესად კონფიგურირებადი სისტემა, რომელსაც იყენებენ მრავალპროფილური საერთაშორისო კომპანიები. ამ კლასში შემავალ სისტემებს, როგორებიცაა SAP, Syspro, Microsoft Dynamics, Oracle და NetSuite აქვთ შესაძლებლობა კომპანიის სხვადასხვა ლოკაციებიდან მიღებულ უზარმაზარ მონაცემებს წამებში მოუყარონ თავი ერთ სისტემაში. თუ თქვენ ხართ მცირე ან საშუალო ზომის მწარმოებელი, ადამიანები, რომლებიც მუშაობენ დიდ კომპანიებში, სავარაუდოდ გირჩევენ ამ ცნობილი სისტემებიდან ერთ-ერთს, მაგრამ ნამდვილად არის კი თქვენთვის საჭირო პირველი კლასის ERP სისტემები? თუ თქვენ ქვემოთ ჩამოთვლილი კითხვებიდან უმეტესობას დადებითად უპასუხებთ მაშინ უყოყმანოდ შეგიძლიათ ამ სისტემებიდან ერთ-ერთზე შეაჩეროთ არჩევანი.
  
  • მზად ხართ განიხილოთ ყველაზე ძვირადღირებული ERP გადაწყვეტილებები?
  • ნამდვილად გსურთ უაღრესად კონფიგურირებადი გადაწყვეტა?
  • გეგმავთ მინიმუმ ერთი სრული განაკვეთის სისტემის ადმინისტრატორის ან მონაცემთა ანალიტიკოსის დაქირავებას თქვენი ახალი ERP სთვის?
  • გაქვთ ფილიალები სხვადასხვა ქვეყნებში?
  • გაქვთ რამდენიმე ტიპის ბიზნესი, რომლებიც სხვადასხვა საქმეს აკეთებენ, მაგრამ გსურთ იყვნენ ერთ სისტემაში?
  
  
• Მეორე კლასის ERP არის საშუალო ზომის ERP სისტემა, რომელსაც აქვს პირველი კლასის სისტემების მახასიათებლების უმეტესობა, მაგრამ უფრო ხელმისაწვდომ ფასად და გამარტივებული სახით, ათწლეულების განმავლობაში პირველი კლასის ERP სისტემების მწარმოებლებმა შექმნეს ნიშური გადაწყვეტილებები შედარებით პატარა ორგანიზაციებისთვისაც, ასეთი სისტემებია: SAP Business By Design, NetSuite Small Business და Dynamics 365. ასევე არსებობს უშუალოდ საშუალო და მცირე საწარმოების მოთხოვნებზე ორიენტირებული ERP სისტემების მწარმოებელი კომპანიები, რომლებიც ორგანიზაციებს სთავაზობენ მათზე მორგებულ საუკეთესო პრაქტიკას და ინდივიდუალური მოთხოვნების შემთხვევაში შესაბამის პროგრამულ მხარდაჭერას. ქვემოთ მოცემული კითხვები დაგეხმარებათ იმის დადგენაში არის თუ არა მეორე კლასის სისტემები თქვენი კომპანიისთვის საუკეთესო გადაწყვეტა:
  
  • მზად ხართ შეუსაბამოთ თქვენი ბიზნეს პროცესები ERP კომპანიის მიერ დადგენილ საუკეთესო პრაქტიკას?
  • გირჩევნიათ უშუალოდ ERP მომწოდებლის საშუალებით განახორციელოთ პროგრამული მხარდაჭერა, თანამშრომელთა გადამზადება და პერსონალიზაცია?
  • ეძებთ პირველი კლასის ბევრ სარგებელს, მაგრამ უფრო დაბალ ფასად?
  
  
• მე-3 კლასის ERP კომპანიები უზრუნველყოფენ ყველაზე ნიშურ გადაწყვეტილებებს და მეტად პერსონალურ მხარდაჭერას. ეს მცირე კომპანიები გვთავაზობენ თანამედროვე ERP ს, რომელიც ხშირად ვითარდება კონკრეტული ტიპის მომხმარებლის საჭიროებების შესაბამისად. Მაგალითად თუ თქვენ ხართ საცალო გაყიდვების სფეროში, ნაცვლად იმისა, რომ შეეცადოთ პირველი კლასის სისტემების დანერგვას, რომლებსაც შეუძლია ყველაფერი გააკეთოს, მაგრამ მოითხოვს დიდი რაოდენობით პერსონალიზაციას და მოიცავს უამრავ ფუნქციონალს, რომლებიც ზედმეტია თქვენი საჭიროებებიდან გამომდინარე, შეგიძლიათ ისარგებლოთ მესამე კლასის ERP გადაწყვეტილებებით. ფასის მიხედვით მესამე კლასის სისტემები ყველაზე კონკურენტუნარიანია, განსაკუთრებით მცირე და საშუალო ზომის მწარმოებლებისთვის, რომლებიც თავიანთ პირველ ERP სისტემას ყიდულობენ.